නුවර වීදි යටකරගෙන නින්දා වැහි වැහිරුනදා
බිරිදකගේ සෙනෙහෙ ගියා යෝධ ඇලේ නැම්මේ
ඔබෙ සෙනෙහස සුවද දිදී දැනුනා මට අම්මේ…
මේ අදහස ගැලපෙන බොහෝ බිරින්දෑවරුන් අපෙ සමාජයෙන් හොයාගන්න පුලුවන්. අම්ම කෙනෙක්ට තමන්ගෙ දරුවා ගැන තියෙන ආදරය මේ වගෙයි. ඒක මහ පුදුම ආදරයක්. අපි හැමෝම වගේ ඒ ආදරය විදල තියෙනවා. එක වෙලාවකට හිතෙනවා සැබෑ ආදරය සෙනෙහස හොයාගෙන ගියාම නතර වෙන්න වෙන්නේ අම්ම ලග විතරක්මද කියලා. ඒ තරමටම එය නිසසලයි, ගැඹුරුයි. ලෝකෙන් මොන දුක් කම් කටොලු නින්දා පරිභව ආවත් එදාට අම්මල ඒ දේවල් තුට්ටුවකටවත් මායිම් නොකර තමන්ගෙ දරුවව බොහොම ආදරෙන් තුරුලු කරගන්නවා. නීති රීති වලින් තොර ආදරයක්….(An Unconditional Love)
ඒත් ඇයි මෙතන මේ බිරිදකගේ සෙනෙහෙ ගියා යෝධ ඇලේ නැම්මේ කියල කියන්නේ? යෝධ ඇලේ මතුපිටින් වතුර ගලන්නේ නෑ වගේ පෙනුනට ඇල ගැඹුරට ගියාම ඉතා වේගයෙන් වතුර ගලාගෙන යනවා. ඉතින් සමහර බිරින්දෑවරුනුත් එහෙමයි කියල නේද මේ පද පේලියෙන් කියවෙන්නේ?
පිය සටහන් 
Sep 03, 2010 @ 09:46:29
ඔය බිරිදකගෙ සෙනෙහෙ කිව්වෙ එයගෙ ස්වාමියාද කියලත් මට හිතෙනව. මව් සෙනෙහසක් පෝෂනය වෙන්න හොද ස්වාමියෙක්ගෙ ආදරයත් හේතු වෙන්න ඇති කියල මට හිතෙන්නෙ
Dilan
Sep 03, 2010 @ 21:54:44
ඔව් අපිට එහෙම හිතන්නත් පුලුවන් තමයි. නමුත් අනිත් පද පේලිත් එක්ක එකට තියෙන කොට ඒක ගැල්පෙන්නේ නෑ වගෙයි මට නම් හිතෙන්නේ.
Sep 04, 2010 @ 10:29:47
මමත් හැම වෙලේම ඔය සිංදුවෙ තේරුම හිතහිත සිංදුව මිමිණුවත් කවදාවත් ඔය පද පේලිය ඔච්චර හොදට තේරුනේ නෑ.ස්තූතියි.හැබැයි සමහරු එහෙම හිටියට හැමෝම එහෙම නෑ.
Sep 19, 2010 @ 23:30:18
මට මේ පදපේලිය ගලපගන්න බැරුව හිටියෙ. බිරිඳගේ ස්නේහය නැතුව ගියා කියන එක තේරුනා. නමුත් යෝධ ඇල හරි තැනට සෙට් කර ගන්න බැරි වුනා. ස්තුතියි මේ ගැලපීමට.
Sep 20, 2010 @ 23:10:28
මෙහි ස්තූතිය යන්න ඕන අත්තනායක එම් හේරත් මහත්මයාට.
May 19, 2011 @ 13:06:07
මම දන්න විදියට රම්බන්ඩා සෙනෙවිරත්න හිටපු නීතීඥ තුමා තමයි රචකයා.කපුගේ මහත්තයා පපුවටම වක්කරන්නේ ඒ වචන.
මව හා බිරිද දෙන්නෙක්. මව අපිට තෝරගන්න බෑ.ලැබෙන කෙනෙකුයි අපේ මව වෙන්නේ. අපි තෝරගෑනීම හරියට කලොත් යොධ වැවේ උපමාවෙන් කියැවෙන ශෝකාන්තය හග්ගල,පේරාදෙනියවගේ කර ගන්න පුළුවන්.බිරිද හරි කෙනා තෝරගන්න එකයි හරියට අපි ගොඩක් දෙනෙක් නොකරන්නේ.
Aug 28, 2011 @ 00:37:51
ඒත් මෙහෙම අම්මාගේ ආදරය උත්කර්ශයට නංවන එක කලක ඉඳලා අපේ සමාජයේ පිරිමින්ට හිතෙන දෙයක්, හැබැයි මට නම් හිතෙන්නෙ අපි ඔහොම හිතන්නෙ අම්මලාව පොඩි කාලේ ඉඳන් කිසිම අවුලක් නැතිව වහල් කමට ගන්න නිසාය කියලා. අපි හුඟදෙනෙක් අම්මා ගෙන් ගන්නවා ගන්නවා, නමුත් ආපහු දෙන්න හිතෙනකොට අම්මට ඒකෙන් වැඩක් නෑ.
බිරිඳත් මාත් තත්වයෙන් සමයි! ඒ ආදරය අම්මගේ ආදරයත් සසඳන එක කරන්න බෑ. බිරීඳත් අම්මා කෙනෙක්, එතකොට මගේ දරුවෝ එනකම් ඒ අම්මා, මගේ බිරිඳ, ඉඳිකඩ ලඟ ඉන්නම ඕන. මම නෙවෙයි ඇයයි එතන ඉන්නේ. මම එහෙම කරදර වෙන්නේ නෑ මගේ බිරිඳ තමයි ඒ අම්මා වෙන්නේ. අන්තිමේ මට වැඩේ වැරදුනාම මට මතක් වෙනවා, දැන් අබිසරු ලියන් ,අවන්හල් නොවෙයි මා සොයා යා යුතු මගේ බිරිඳයි කියලා. එතකොට ඈ ඇගේ ලෝකය සොයා ගන ගිහින්, දරුවන් එක්ක බද්ධ වෙලා. මට ඈ ගලවන්න බෑ එතැනින්. එතකොටයි මා මෙතෙක් නොතැකූ ඇගේ සෙනෙහේ මා දමා ගිය බව සිහිවන්නේ. ඉතින් මා පෙර දිනක අත්විඳි අම්මාගේ ආදරය සොයා යනවා. එදා අම්මාගේ ආදරය මට එසේම ලැබුනේ මගේ තාත්තා අම්මා මනසින් මග හැර ගිය නිසායි !
Nov 22, 2017 @ 19:35:16
ඇල ගැඹුරට කියල අදහස් කලොත් කෙනෙක්ට වැරදි වැටහීමක් එන්න පුලුවන්. ඇල පහලට ගියාම තමයි ඇල ගලනවා තේරෙන්නෙ. ඇල ගැඹුර ගැන හිතුවොත් ඇත්තටම ගැඹුරට යන්න යන්න ගලන වේගය තවත් අඩු වෙනවා. පොළව මට්ටම වෙද්දි ගලන වේගය බිංදුව වෙනවා.